ھەسەل، نۇرغۇن كىشىلەر ياقتۇرۇپ ئىستېمال قىلىدىغان يېمەكلىك؛ لېكىن ھەسەل سېتىۋالغان ۋاقىتتا، نۇرغۇن كىشىلەر ساختا ھەسەل سېتىۋېلىشتىن ئەنسىرەيدۇ.
ئۇنداقتا، سېتىۋالغان ھەسەلنىڭ ساختا ياكى ئەمەسلىكىنى قانداق پەرقلەندۈرۈشكە بولىدۇ؟ ئەمەلىيەتتە بۇنىڭ ئۇسۇلى ناھايىتى ئاددى.
ئاق ھاراق بىلەن پەرقلەندۈرۈش
پاكىزە قاچىدىن بىرنى تەييارلاپ بىر قوشۇق ھەسەل قۇيىمىز، كەينىدىن ھەسەل ئىچىگە بىر تامچە ھاراق تېمىتىمىز؛ بۇ ۋاقىتتا ھەسەلنىڭ رەڭگىدە ئۆزگىرىش كۆرۈلگەن كۆرۈلمىگەنلىكىگە دىققەت قىلساق، ئەگەر ھېچقانداق ئۆزگىرىش كۆرۈلمىگەن بولسا ساپ ھەسەل بولىدۇ. ئەگەر ھەسەل ساختا بولسا، ئاق ھاراق تېمىتقاندىن كېيىن، ھەسەلنىڭ رەڭگى يىشىل ياكى بىنەپشە رەڭگە ئۆزگىرىپ كېتىدۇ.
تازىلىق قەغىزى
بىر پارچە تازىلىق قەغىزىنى ئۈستەل يۈزىگە تۈز يېيىلتىپ، كەينىدىن قەغەز ئۈستىگە ئازراق ھەسەل تېمىتساق، ئەگەر ساختا ھەسەل بولسا، تەدرىجىي ھالدا قەغەزگە سىڭىپ كېتىدۇ؛ ناۋادا ساپ ھەسەل بولسا، قەغەز يۈزىدە شەبنەم تامچىسىغا ئوخشاش ساقلىنىپ، ئاسانلىقچە تارقىلىپ قەغەزگە سىڭىشىپ كەتمەيدۇ.
چاقماق
قوشۇققا ئازراق ھەسەل ئايرىپ ئېلىپ، ئازراق تۆمۈر سىمنى چاقماقتا ئوت يېقىپ قىزىتقاندىن كېيىن ھەسەلگە تىقساق، بۇ ۋاقىتتا ئەگەر بىر خىل غەلىتە پۇراق تارالسا ياكى ئىسقا ئوخشاش گاز كۆتۈرۈلسە، ئۇنداق ھەسەل ساختا ھەسەل بولىدۇ.